Хуршид Ғиёсов: "Мен "Обод"га ва жамоадошларимга ишонаман"
31 окт 2016 13:58
Янгиликлар

Хуршид Ғиёсов: "Мен "Обод"га ва жамоадошларимга ишонаман"

Олий лиганинг 27-туридан ўрин олган "Шўртан" - "Обод" (1:0) учрашувидан кейин меҳмонлар ярим ҳимоячиси Хуршид Ғиёсов ўз фикрлари билан ўртоқлашди.

- "Шўртан"га қарши баҳснинг илк дақиқаларидан ўз дарвозамиздан тўп олиб чиққанимиз руҳиятимизга салбий таъсир қилди. Лекин биз вазиятни ўнглаш учун қўлдан келганча ҳаракат қилдик. Гол уриб, ҳисобни тенглаштиришимиз ёки ғалаба қозонишимиз ҳам мумкин эди, бироқ омадимиз келмагани сабабли буни уддалай олмадик, деб ўйлайман.

Бизни бир-биридан муҳим учта ўйин кутмоқда. Шу боис, "Шўртан" билан бўлган учрашувни унутган ҳолда навбатдаги беллашувларга тайёргарлик кўришда давом этамиз. Ҳозир олий лигада қолишга ҳаракат қилаётган барча жамоаларда имконият сақланиб турибди. Ўйлайманки, барча клублар сўнгги тургача бунга ҳаракат қилади. Якунда қайси жамоа бунг муносиб бўлса, ўша олий лигада қолади. Мен "Обод"га ва жамоадошларимга ишонаман! Қолган уч ўйинда ўзимизга керакли очколарни жамғариб, кучлилар сафидаги ўрнимизни сақлаб қоламиз, деган умиддаман!

"Обод" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: