Хуршид Ғиёсов: “Дуранг бўлганида балки биз учун аламли бўларди”

Тезкор харакатлари билан рақибларини шошириб қўйган иқтидорли ўйинчи баҳс якунига етгач, ўз фикрларини билдириб ўтди.

- Учрашувга ҳар томонлама жиддий тайёргарлик кўргандик. Ўтган турда “Олмалиқ” билан сафарда яхши ўйнаган бўлсакда, якунда мағлуб бўлгандик. Шундан сўнг “Андижон”га қарши баҳсга юқори суръатда ҳозирлик бўлди. Бугун мезбон жамоа ҳам ғалаба илинжида кучли ўйин намойиш этди. Гарчи уч очкони қўлга киритган бўлсакда, бунга осонликча эришганимиз йўқ.

- Дуранг қониқарли бўлармиди? Кўрдинглар бизда яна бир нечта вазиятлар бўлди. Бирга-бир вазиятларни юзага келтирдик. Аммо улардан тўғри фойдалана олмадик. Шунинг учун дуранг бўлганида биз учун балки аламли бўлар эди. Чунки биз айтиб ўтганимдек, ўйин борасида ҳам рақибдан қолишмасликка уриндик.

- “Обод”да асосан ёшлар ўйнамоқда. Кучли иштиёқ ва шиддат эвазига барчамиз бир ёқадан бош чиқариб ўйнамоқдамиз. Бугун ғалаба қозонишни рақибга нисбатан кўпроқ биз хоҳлаб ўйнадик деган бўлардим. Жамоамиз қуйи поғонадан жой эгаллаб турганди. Шу боис уч очко сув ва ҳаводек зарур эди. Билсангиз керак, бизда янги мураббийлар штаби иш бошлади. Улар билан яхши чиқишиб кетдик. Ўйлайманки қийин вазиятдан чиқиб кета оламиз, - дейди Ғиёсов.