Хенрик Ларссон "Барселона"да Куманнинг штабига кирди

Собиқ форвард Каталония клуби билан 2022 йилнинг 30 июнига қадар шартнома имзолади. Ларссон билан бирга жамоага "Хоффенхайм" ва "Аякс" собиқ мураббийи Алфред Схройдер ҳам келди.

Швециялик "Барселона"да 2004-2006 йиллар тўп тепган. У жамоа сафида икки бор Испания чемпионатини ва бир бор Чемпионлар Лигасини қўлга киритган. Ларссон шунингдек "Хельсингборг" ва "Фалькенберг" жамоаларини ҳам бошқарган.