Хамес "Наполи"га ўтишга розилик берди
12 июн 2019 20:15
Янгиликлар

Хамес "Наполи"га ўтишга розилик берди

Италиянинг "Наполи" клуби "Реал" ярим ҳимоячиси Хамес Родригеснинг трансфери бўйича ишини давом эттиради.

La Gazzetta dello Sport журналистининг маълумот беришича, колумбиялик Италия клубига ўтишга розилик берди. Неаполликлар ҳам худди "Бавария" сингари Хамесни сотиб олиш ҳуқуқи билан ижарага олиш ниятида. Энди қарор қабул қилиш навбати "Реал" жамоасида.

Қайд этиш керак, 27 ёшли хавбек ўтган икки мавсум "Бавария" сафида майдонга тушди ва доимий асосий таркибда бўлмаганлиги учун мюнхенлиелар билан ҳамкорликни тўхтатишга қарор қилди.