UZ

Сўнгги янгиликлар

03:04ЕЧЛ. "Арсенал" "Ланс"ни ўта йирик ҳисобда мағлуб қилди. Ҳусанов 62-дақиқада майдонга туширилди  0 01:05ЕЧЛ. "Арсенал" – "Ланс", "Реал Мадрид" – "Наполи" ва бошқа учрашувларнинг онлайн натижалари битта саҳифада  6 01:00ЕЧЛ. ПСВ "Севилья"га қарши ўйинда cупер камбэк амалга оширди ва гуруҳдан чиқиш учун катта қадам ташлади  0 00:35ЕЧЛ. "Бенфика" – "Интер", "Бавария" – "Копенгаген" ва бошқа учрашувларнинг бошланғич таркиблари аниқ  0 00:35ЕЧЛ. Барчаси сўнгги турда ҳал бўлади! Истанбулдаги ёмғирли оқшомда "Галатасарой" ва МЮ жанговар дурангга имзо чекишди  73 00:17ЕЧЛ. "Реал Мадрид" – "Наполи": Беллингем, Родриго ва Кварацхелия бошланғич таркибда  3 00:06ЕЧЛ. "Арсенал" – "Ланс": Ҳусанов захирада қолдирилди  3 23:54Карло Анчелотти: "Фақатгина ақлдан озган инсонгина "Реал"дан кетишни исташи мумкин"  0 23:15Ансу Фати узоқ муддатга сафдан чиқди. "Брайтон" бош мураббий буни тасдиқлади  2 22:42Эшитдик-да! Лионель Месси январь ойида Абу-Дабида иккита ўртоқлик учрашувида майдонга тушади  1 22:15Россия кубоги. Чорак финалнинг дастлабки ўйинида "Ростов" ва ЦСКА муроса кўчасини танлашди. Файзуллаев ассист қайд этди ва 78-дақиқада алмаштирилди  9 21:58ЕЧЛ. "Галатасарой" – "Манчестер Юнайтед": Гарначо, Антони ва Фернандеш асосий таркибда  11 21:54Хави FourFourTwo талқини бўйича тарихдаги энг кучли испаниялик футболчи деб топилди. Кейинги ўринларда Иньеста ва Касильяс бор  5 21:18Криптобиржани реклама қилгани учун Криштиану Роналдуни АҚШда судга беришди  13 20:36УЕФА кеча "Ньюкасл" дарвозасига пенальти белгилашни маслаҳат берган ВАР ҳакамини четлатди  5

Воҳа ва водийнинг чойхонасини, Тошкентнинг эса дорихонасини бойитган дастлабки тур ҳақида Янгиликлар

Воҳа ва водийнинг чойхонасини, Тошкентнинг эса дорихонасини бойитган дастлабки тур ҳақида

Осиё Чемпионлар лигасининг 1-турида мамлакатимиз шарафини ҳимоя қилган тўрт жамоа иштирокида бир-биридан фарқ қиладиган турлича ўйинлар гувоҳига айландик.

Кеча ва ўтган кунги ўйинлардан кейин юртдошларимизнинг иштироки ҳамда гуруҳдаги вазият тўғрисида тўхталиб ўтмоқчиман.

ОКМК

Тўғрисини айтсам, "Ал Иттиҳод"га қарши ўйиндан олдин олмалиқликлардан Америка кашф этишини кутганим йўқ. Шу боис, ҳакам ҳуштаги қулоқни қиёматга келтургунга қадар ўзимни руҳан тайёрлаш мақсадида парча-парча бўлиб кетиши мумкин бўлган буюмларни олдиндан кўздан нарироққа яшириб қўйдим. Учрашувдан кейин эса омон қолган ўша буюмлар миннатдорчилигини билдириди. Ўйинга келсак, вакилларимизнинг ҳимояга қўйган "автобус"и ўт олмасдан туриб, рақиб томонидан ишдан чиқарилди. Суперлигада ўзининг ҳам, рақибининг ҳам истаганча гол уришига шароит яратадиган Миржалол Қосимов шогирдлари учун янгилик бўлган бешта ҳимоячи билан ўйнаш режими иш бермади ҳамда тезкор голлар жамоани гангдиратиб қўйди. "Ал Иттиҳод" футболчилари эса ўз посбонининг қўлқопларига туфлашига ҳожат қолдирмади. 

Қосимовнинг майдонда деярли уялтирмайдиган Сияваш Ҳақназарийни халқаро ва Суперлиганинг муҳим ўйинларида нега кўргазмага олиб қўйилган буюм сингари захирага олиб қўйишига тушуна олмайман. Эронлик ярим ҳимоячи бир тайм ўйнаганига қарамай, пас бериш бобида (32 та) майдонда тўлиқ ҳаракат қилган Ғиёсов билан бир хил натижа қайд этган бўлса, 72 дақиқа ҳаракат қилган Миржамол Қосимовдан кўпроқ узатма амалга оширган. Қисқа паслар бобида эса иккаласидан ҳам яхшироқ кўрсаткич қайд этган. 

Умуман олганда, ОКМК икки жабҳада кафтни пешонага босадиган ҳолатга солди. Тўп назоратини инобатга олмаганда, биринчиси, иккинчи қаватда Иттиҳод Airlines'га бой берилди (ҳаводаги курашларда ғалаба қозониш бўйича кўрсаткич % ҳисобида 69–31). Иккинчиси ўз жарима майдони ичида рақиб зарба бериши учун пояндоз тўшади ("Ал Иттиҳод" ОКМК жарима майдонида 12 марта зарба йўллашнинг уддасидан чиққан).

Бироқ иккинчи бўлимда ҳовурини босиб олган, бошқача айтганда, танаффусда Қосимовда биз болаликда дарсдан қочганимиз учун мактаб директоридан эшитган гапларни қулоқларига қуйиб олган "кончилар" нисбатан тартибли ҳимоялана олишди. Эҳтимол, биринчи турдаги рақибимиз бошқа бўлганда, олмалиқликларда мослашиш жараёни эртароқ бошланарди. 

Нима бўлган тақдирда ҳам, олмалиқликлар гуруҳдаги энг қийин ҳисобланган рақибга қарши ўйинни ўтказиб олишди. Гуруҳдаги иккинчи баҳсда Ироқнинг "Эйр Форс" жамоаси Эроннинг "Сепаҳон"и билан жанговар дуранг (2:2) қайд этди. Кейинги учрашувни ироқликларга қарши ўз майдонида ўтказадиган Қосимов шогирдларида гуруҳда 2-ўринга кўтарилиб олиш учун яхши имконият бор.

Саудияликлар учун эса қитъа турниридан кўра қийинроқ бўлган мамлакат чемпионатида ўзи сингари гегемонлар билан Том ва Жерри мультиқаҳрамонлари сингари қувлашмоқ ўйнаш қизиқроқ, назаримда.

"Насаф"

ОКМК билан бир вақтда ўз учрашувини бошлаган "Насаф" учун илк турда нисбатан енгил рақиб рўбарў келди. Шунга қарамасдан, ўйин курашларга бой бўлди. Рақиб дарвозасини ишғол қилиш борасида кепкасидан шода-шода тер оқаётган Рўзиқул Бердиев жамоасида мазкур ўйинда ҳам шундай ҳолат содир бўлди. Кўпгина вазиятларда эса мезбонлар посбони жамоадошларини чойхонага туширадиган ҳаракатлар амалга оширди. Бироқ қаршиликларнинг ягона номинал ҳужумичиси ўрнига майдонга ташланган Зафармурод Абдираҳматов беллашув сўнгида ўз сўзини айтиб, чойхонани барбод қилди. 

Ўйин давомида "Насаф" ғалабага лойиқ ўйин намойиш этди ва пенальти берилмаса ҳам, ҳақли равишда муваффақиятга эришди.

Яқинда "Ҳумо қуш"га айланган "аждарлар"нинг устунлигини Сардор Мамадалиев томонидан қўшиққа солинган рақамлар ҳам исбот бўла олади.

Гуруҳнинг нариги қарама-қаршилигида тўрт жамоа ҳам гол урмасликка келишишган деб ўйлаган Қатарнинг "Ал Садд" ва БААнинг "Шаржа" жамоалари бир-бирини хафа қилмаган ҳолда майдонни тарк этишди. 

Гуруҳ етакчисига айланган Қашқадарё клуби навбатдаги учрашувини 2 октябрь куни ўз майдонида "Ал Садд"га қарши ўтказади.

"Навбаҳор"

Ўзбек футболида мухислар томонидан энг кўп ёдга олинадиган мураббий(лардан бири) телевизорга термулиб, кўзига иссиқ кўринган футболчисини беҳисоб муллажиринглар эвазига олиб келаётган гигант клубга қарши муносиб тайёрлай олди. Тўғри, наманганликлар мазмунли ўйин намойиш этишмагандир, бироқ ОКМКдан фарқли ўлароқ, ҳимояланиш борасида анча тартибли ўйин намойиш этди. Қишлоқда футболга ошно укамнинг айтишича, ўтган кеча икки нарсанинг бўлар-бўлмасга бақириши унга уйқу бермаган: бири ашулачи бўлишни орзу қиладиган молхонадаги сигиримиз бўлса, иккинчиси Неймар бўлган. 

Беллашув аввалида Саудия жамоаси томонидан Бабаян сартарошининг бундан буёғига ишсиз қолдирилиши мумкинлигидан чўчигандим. Бироқ наманганликларнинг ҳимоя қўрғони гарчи охирги дақиқаларда диққатини бироз йўқотган бўлса-да, ўзига бириктирилган вазифани беш баҳога топширди. 

Учрашув давомида ҳамюртларимиз ўз имкониятларидан максимал фойдаланишга ҳаракат қилди. "Навбаҳор" бир ярим тайм давомида атиги икки маротаба аниқ зарба йўллади, улардан бири клуб учун унутилмас воқеага айланган бўлса, иккинчисига билдирган реакциям учун атрофимдагилар бир неча сония қулоқларига наушник тақиб туришди. 

Кўрсаткичларга назар ташлайдиган бўлсак, ҳимояда Милович–Иванович тандемини, ярим ҳимояда эса Ўруновнинг кўпроқ тер тўккани эътироф этишимиз мумкин. Бироқ келгуси ўйинларда ҳам ушуб тактика асосида ўйнаш ярамайди. Унга қадар Бабаян тўп назорати (23%), ҳаводаги курашда устунлик (39%), паслар аниқлиги (63%) ва бошқа камчиликларни бартараф этиш борасида иш олиб бориши лозим. 

Гуруҳнинг иккинчи учрашувида Ҳиндистоннинг "Мумбай" клуби Эроннинг "Нассажи" жамоасига 0:2 ҳисобида ютқазди. 2-турда наманганликлар 3 октябрь санасида ўз ареналарида Болливуднинг спортча вариантини кўриш имкониятига эга бўлишади. Катта тўсиқдан ошиб ўта олган "Навбаҳор"да кейинги босқич йўлланмаси учун яхши имконият мавжуд.

"Пахтакор"

Суперлигада қутурган шер қиёфасида гавдаланадиган пойтахтликлар халқаро майдонда ювош мушукчага айланишда давом этмоқда. "Пахтакор"дан кечаги баҳсда ҳеч бўлмаганда бошни эгган ҳолда майдонни тарк этмайдиган натижа кутгандим, бироқ Суперлига етакчиси рақибига меҳмондўстлик қилиб юборди. Эҳтимол, "Бунёдкор" стадиони улар учун бегонасирагандир.

"Пахтакор"нинг мағлубияти оламшумул сенсация эмас. Жамоада мавжуд нуқсонларни Суперлига клублари айтишга ийманиб турганда, бир эмас, иккита Про лига клуби бирин-кетин уларни юзага чиқарганди. Халқаро баҳсларда етакчи Чераннинг ҳам бошқалар сингари одам эканлигини англай бошлаяпмиз. 

Юқорида таъкидлаган сенсация атамаси эса Туркманистонда содир бўлди. "Аҳал" ўзи учун қулай бўлиб қолган сунъий майдонда кимсан Саудия жамоасини мағлубиятга учратди. Шайх жамоаси эса аламини 2-турда Шацких жамоасидан олишга ҳаракат қилади.

Дастлабки тур воҳа ва водийликларнинг чойхоналарини, тошкентликларнинг эса дорихоналарини бойитди. Бизга ким қандай кўз билан қараган тақдирда ҳам ҳамда мамлакатимиз шарафини ҳимоя қилаётган клубларимиз қандай натижа қайд этишидан қатъи назар сиз каби биз ҳам барча клубимизни охиригача қўллаб-қувватлашда давом этамиз.

Осиё Чемпионлари лигаси турнир жадвали

Рейтинг: +18   

Фикрлар

+7   
20 сен 06:56:17
bekaka
Очлда уйнолмаса жойни бошкасига бушатиб бер ана
Сурхон ёки Нефтчи хам туриб бераолади Узи Сугдиёна бн Насаф катта мехнат килди шу квотани оширишда
+6   
20 сен 06:43:10
always win!
agar neftchi bo‘lganda kamida nichyani eplardi. yo‘qotish kerak toshkent xaromxor komandalarini. eng byudjeti katta, eng g‘irrom va eng sharmanda!!
+5   
20 сен 06:48:19
Murodillahon Nasretdinov
Сарлавха удар чиқипти, гап йуқ! Пахтакор шарманда қилди, клубни ёпвориш керак! Стадионни урнидан 5-6 та яхши ва чиройли куп қаватли уйлар қуриб, уйи йуқларга бериш керак! Футболчиларини судья аквларига қушиб Тошкент вилоятига пахта теришга чиқарвориш кере. Қор ёққанда эса Наманган билан Қаршига келиб кучада қор курашсин. Туғрида, раз футбол уйномисами хотя бы фойдали иш қигин!
+5   
20 сен 05:28:36
FK Navba-FK Real
Юкоридаги коринбой мутасаддилар кузингизни очинг. Етар бас, пойтахт жамоаларини сунъий чемпион килиш. Халкаро мусобакаларда шарманда киляпсизлар Узбекистонни.
+4   
20 сен 14:09:52
STERILOK
Ювош беозор мушикча...) муалиф хамма нарсани борича тасвирлаб берган.макола зур чмкибди
+4   
20 сен 08:48:34
Maqsadxon Saydazimov
Komanda yutishi uchun uni haqiqiy muhlislari bo'lish kerak ekan,man ataylab Farg'onadan bordim Paxtakor chempionatimizdagi eng yomon ko'rgan klubim bo'lsa ham,chunki xalqaroda Vodiy,Voha,Poytaxt degan narsa yo'q.Lekin kecha o'z ko'zim bilan ko'rdimki Paxtakordi murabbiyi ham, o'yinchilari ham, hatto muhlislari ham bemalol 0-3 ga etini ham jimirlatmasdan bir-biriga qarsak chalib hursand bo'lishyabdi. Axir klub xalqaro maydonda o'ynaganda ham shunchalik oz muxlis kradimi,eng yomoni u yerda 2-3 ming yoshlar qiz bola o'g'il bola bo'lib krvogan maydonda nima bo'layotgani bilan ishlari ham yo'q. Axir bunaqa futbol bunaqa klub nimaga kerak tushunmadim. Paxtakor dep baqiraman desam birov manga qo'shilib baqirmadi ham,qayerga nimaga borganimni ham tushunme qaytib kelaverdim.
+4   
20 сен 05:41:56
Navbahor Real
Журналистлар нима учун суперлигада пахтакор нинг қулоғидан тортиб бўлса хам мажбурлаб чемпион қилинмоқда деб очиқ ойдин тахлил қилиб беролмайсизлар мана халқаро майдонда ўз исботини топмоқда. Пойтахт жамоасини хақиқий футболни тушинадиган мухлислари-БИЗ БИЛГАНДИК БИЗ КУТГАНДИК"" деб дорихонадан дори олиб ичмади.
+3   
20 сен 22:34:21
Bu shunchaki o'yin
Maqolani o'qib zerikib qolmaysiz. Garchi natijalar shundog'am malum bulsada
+2   
20 сен 11:12:30
Uznamcity
Maqsadxon Saydazimov фойдаланувчининг фикрига жавоб бериш
Komanda yutishi uchun uni haqiqiy muhlislari bo'lish kerak ekan,man ataylab Farg'onadan bordim Paxtakor chempionatimizdagi eng yomon ko'rgan klubim bo'lsa ham,chunki xalqaroda Vodiy,Voha,Poytaxt degan narsa yo'q.Lekin kecha o'z ko'zim bilan ko'rdimki Paxtakordi murabbiyi ham, o'yinchilari ham, hatto muhlislari ham bemalol 0-3 ga etini ham jimirlatmasdan bir-biriga qarsak chalib hursand bo'lishyabdi. Axir klub xalqaro maydonda o'ynaganda ham shunchalik oz muxlis kradimi,eng yomoni u yerda 2-3 ming yoshlar qiz bola o'g'il bola bo'lib krvogan maydonda nima bo'layotgani bilan ishlari ham yo'q. Axir bunaqa futbol bunaqa klub nimaga kerak tushunmadim. Paxtakor dep baqiraman desam birov manga qo'shilib baqirmadi ham,qayerga nimaga borganimni ham tushunme qaytib kelaverdim.
Aka Pahtakorni fan klubi baletchikmas ular. Ular oylik olishadi Pahtakor ular uchun ishxona.Agar ular haqiqiy muhlis buganda kechagi uyin uchun rasa sokardi.Oyliksiz qopketmaylik deb kecha qarsak chap quyishdi bizga nima degandek
+2   
20 сен 10:46:25
Shovruq88
RM&Ars&Int&BVB&PSJ фойдаланувчининг фикрига жавоб бериш
Boldide endi suniy chempion u bu ornida bu bosa unaqa qvorardi bunaqa qvorardi xali 5ta tur bor koramiz oxirida kim qanaqa orinda boladi. Immeno oldingi yil navbaxordayam nasafdayam wans boridi chempion boliw un ikkilasiniyam ozini qolidedi ln eplomadi eplamasa ayb paxtakorda bomidiyu i tak bu yilam tarixdi eng slabiy sastav bn 1 orinda yuripti ana zor bosa ne uyida navbaxoram nasafam 3-4talab urip tawamadi sal xolis bolila wu yurti kamandasi wu paxtakoram milatchilida nemisladan otip ketvosila
San ham bitta chichqoqsan!Aybni tsn olishni orniga boshqalardan ayb widirib bahona qidirasan!Chichib qoyishtinmi endi qisib otirish!!!Asl yuzing bu sanlarni!!!U yerda metallurg yoki hakamlar yoq!!!
+2   
20 сен 09:08:26
Realpaxtakor Madridtoshkent Mirzayev
FK Navba-FK Real фойдаланувчининг фикрига жавоб бериш
Юкоридаги коринбой мутасаддилар кузингизни очинг. Етар бас, пойтахт жамоаларини сунъий чемпион килиш. Халкаро мусобакаларда шарманда киляпсизлар Узбекистонни.
BABAYAN CHEMPION BO'LSINMI
+2   
20 сен 07:20:05
BAVARIA REAL
FK Navba-FK Real фойдаланувчининг фикрига жавоб бериш
Юкоридаги коринбой мутасаддилар кузингизни очинг. Етар бас, пойтахт жамоаларини сунъий чемпион килиш. Халкаро мусобакаларда шарманда киляпсизлар Узбекистонни.
Чемпионликни хеч кимга бермайдиган Ташкент жамоалари 6 Тани солдириб 0 очко бн турибди,чемпионликка якинлаша олмайдиган вилоят жамоалари сафарда 4 очко билан футболимизни орини муносиб химояламокда.Яшасин коррупция,яшасин хакамларимиз.Огзи кийшик булса хам бойни боласи гапирсин.
+1   
20 сен 17:41:11
Jasur/barsa
bekaka фойдаланувчининг фикрига жавоб бериш
Очлда уйнолмаса жойни бошкасига бушатиб бер ана Сурхон ёки Нефтчи хам туриб бераолади Узи Сугдиёна бн Насаф катта мехнат килди шу квотани оширишда
Soʻgʻdiyona ofk kubogida oddiygina gongkong jamoasidan yebqoʻyib kvotani oshirberdimi, sal oʻylab gapirlarin Nasafam qattegi Muxarraqga yutqazib oʻtiribdiyu finalda. Hozirgi kunda Oʻzbekistondegi eng kuchli klub Pahtakor va oʻshanchun OCHLda yuribdi. Agar oʻrnida boshqa klubimiz boʻsa natijalari bundan battar boʻladi
+1   
20 сен 11:33:30
BOBUR
Xullas men navbaxorni oʻynni boshidan oxrigacha koʻrdim maboda Al Hilolni oʻrnida PSJ boʻgandaxam navbaxor qiynab qoʻyardi juda chiroyliva mazmunli oʻyin tartib borasida gap boʻlshi mumkinmas
+1   
20 сен 09:56:14
•••••••••ARISTOKRAT•••••••••
Ташкент, удали футбол!!
championat.asia
< сўнгги янгиликларни кўриш
Яндекс.Метрика