Виллиан мухлисларнинг таҳдиди сабаб "Коринтианс" билан шартномасини бекор қилди

Клуб матбуот хизматининг хабарига кўра, раҳбарият 34 ёшли ўйинчининг шартномани зудлик билан бекор қилиш борасидаги сўровини қабул қилди. 2023 йилнинг сўнггига қадар мўлжалланган келишув муддатидан олдин бекор қилинди.

"Бразилияга менга таҳдид қилишлари учун келмадим. "Коринтианс" ютқазганда ва ўйиним чиқмаган пайти ижтимоий тармоқлар орқали оиламга таҳдид ва лаънатлар йўлланмоқда. Хотиним, қизларим ва бироз вақтдан сўнг отам ва опамга ҳам ҳужум қила бошлашди", — дейди Виллиан.

Виллиан жорий мавсум "Коринтианс" сафида 36та ўйинда 1та гол ва 4та ассист қайд этди. Transfermarkt форвардни 5,5 млн еврога баҳоламоқда.