"Навбаҳор" билан уч марта ўйнадик, яхшики барчасида ғолиб чиқдик. Энди "Металлург" билан уч марта кетма-кет ўйнаймиз. Чорак финалда икки бор ва иккинчи даврани айнан шу жамоага қарши баҳс билан бошлаймиз", - дейди Абрамов.
"Бугун йирикроқ ҳисобда ютишимиз ҳам мумкин эди. Ушбу ғалабани унутиб "Металлург" клубига қарши тайёргарликни бошлаймиз".
"Руслан Корян ва Дамир Кояшевичга жавоб бердик. Сабаби ОЧЛни тарк этдик, уларни ушлаб туришдан маъно йўқ эди. Ундан кўра маҳаллий футболчиларни тайёрлаб терма жамоага фойда келтиришни ўйлаймиз".
"Биринчи давра якунланди, "Бунёдкор" ва "Пахтакор"ни мағлуб этиб биринчи ўринда бўлмаслик жуда аламли. Иккинчи даврада вазиятни ўзгартиришга уриниб кўрамиз".
