Телеканал расмий сайтининг маълум қилишича, "Uzreport TV" кўп сонли футбол мухлисларининг талаб ва истакларини инобатга олган ҳолда, 18 май куни Тошкент вақти билан соат 23:45да Швейцариянинг Базел шаҳрида бўлиб ўтадиган "Ливерпуль" ҳамда "Севилья" ўртасидаги Европа лигаси финал учрашувини тўғридан-тўғри эфирга узатади.
Канал ушбу баҳсга бағишланган трансляцияни 21:45дан бошлайди. Финалдан олдин бўладиган барча тадбирлар мухлисларга намойиш этилади.
Сайт берган маълумотларга кўра, "UzReport TV" келаси мавсумда Европа Чемпионлар лигаси ҳамда Европа лигаси баҳсларини тўғридан-тўғри эфирда намойиш этади.
