Улуғбек Бақоев: "Ким кўп хато қилса, ўша мағлуб бўлади"

- Ўйин 4 қисмдан иборат бўлди. Ўйинни яхши бошлагандик. Кейинчалик маҳорат ўз сўзини айтди. Иккинчи бўлимда ҳам шундай бўлди. Таймни яхши бошладик, ташаббусга эришиб турган вақтимизда гол ўтказиб юбордик. "Локомотив" яхши жамоа. Уларга омад тилайман.

Ҳар бир учрашув, ҳар бир тур қизиқ ўтмоқда. Натижаларни олдиндан тахмин қилиб бўлмаяпти. Футболчилар ва жамоаларнинг савияси бир бирига мутаносиб. Таҳлил қиладиган бўлсак, барча учрашувлар оғир ўтмоқда. Суперлиганинг қизиқарли ўтаётгани менга ёқмоқда.

Марко Клисуро жароҳат олганди. Анча муддат у таркибдан ўрин олмагани боис, ўз жисмоний ҳолатини йўқотиб қўйди. Унинг олдинги ҳолатига қайтишини кутяпмиз.

Футболда барча хато қилади. Ким кўпроқ хато қилса, ўша мағлуб бўлади. Мағлубиятда фақатгина дарвозабонни айблаб бўлмайди. Барча ютқазади, кимнидир айблаш шарт эмас.

Кўп гол ўтказиб юборяпмиз. Голларнинг орасидаги факторлар ҳам бунга сабабчи. Кимнингдир руҳи тушиб кетади ёки кичик майда деталлар ҳам асосий омил бўлади. Бироқ асосийси - руҳий ҳолат", - деди Бақоев.

А. Амонов: "Илк навбатда рақибни табриклайман. Статистика бўйича биз жуда кўп вазиятларга эга бўлдик. Бироқ фақатгина бир бора гол урдик".