"Ўйинни жуда яхши бошладик. Иккита гол урдик, кейин яна тўп киритишимиз мумкин эди, аммо тушунарсиз гол ўтказиб юбордик. Иккинчи бўлимда эса жарима зарбаси... хуллас, ўйинда мағлуб бўлдик. Энг алам қиладигани, 2:0 ҳисобида олдинда бораётиб, 2:3 ҳисобида ютқазиб қўйиш – бу, албатта, спортда ва умуман футболда ўзига хос руҳий зарба ҳисобланади. Лекин қувонарлиси шуки, биз ҳар ўйинда гол уряпмиз. Ҳужум чизиғимиз яхши ишлаётгани хурсанд қилади. Шунинг учун ҳозир кимнидир айблашдан маъно кўрмаяпман. Олдинга қараб интиламиз ва кейинги ўйинларга тайёргарлик кўрамиз. Йигитларга ўйин ва майдондаги фидойилиги учун раҳмат айтаман. Тайёргарликни давом эттирамиз", деди 47 ёшли мутахассис.
