- Аввало “Навбаҳор” жамоасини бугунги ғалабаси ва Ўзбекистон чемпионати Суперлигасида бронза медаль соҳиби бўлгани билан табриклайман. Ушбу йил жуда шиддатли чемпионат бўлди десам адашмайман. Шунингдек барча мухлисларга бизни йил мобайнида қўллаб-қувватлаб туришгани, яхши–ёмон натижали кунларда жамоани ёлғиз қолдиришмагани учун шахсан ўз номимдан ва жамоа ҳамда мураббий, раҳбарлар номидан уларга миннатдорчилик билдираман ҳамда келгусида уларга ва барчага омад тилаб қоламан – деди мураббий.
