Уэйн Руни: «Месси АПЛга ўтиб ўзининг еттинчи «Олтин тўп»ини ютиши мумкин»
27 авг 2020 16:33
Янгиликлар

Уэйн Руни: «Месси АПЛга ўтиб ўзининг еттинчи «Олтин тўп»ини ютиши мумкин»

«Манчестер Юнайтед» собиқ ҳужумчиси Уэйн Руни «Барселона» ҳужумчиси Лионель Мессини АПЛда кўришдан хурсанд бўлишини айтди.

«Мессининг ёши катта бўлаётганини биламан, аммо бундай футболчи бошқа йўқ. Мессида барчаси бор – у вазиятлар яратади, гол уради, ўйинни бошқаради. У дунёдаги энг яхши футболчи.

У мен ўйинларини томоша қилиб завқ олган кам сонли футболчилардан бири. Роналду иккаласи жуда юқори даражани намойиш этишди, аммо мен учун Месси шунчаки бошқа даражада.

Месси ҳозирча МЛС ҳақида ўйламасин. У АПЛга ўтиб йил футболчиси бўла олади, миллион фоиз. Бруну Фернандеша ёки де Брюйне билан бир жамоада Месси еттинчи «Олтин тўп»ини юта олади, бу ажойиб бўларди», – дейди Руни.