"Мамлакатдаги футбол даражаси ва давлат ҳажмини ҳисобга олсак, Италиядаги инфратузилма жуда ёмон. Албатта мен оптимистик кайфиятдаман, аммо мамлакат ҳукумати инфратузилмага инвестиция киритиши лозим деб ҳисоблайман.
Агар мамлакатингизда футбол ва спортга қизиқувчилар кўп бўлса, буни янада кенгайтириш керак. Шунчаки барчаси яхши бўлишига умид қиламиз", - деди Чеферин "Фиорентина"нинг янги базаси очилиши маросимида.
Эслатиб ўтамиз, аввалроқ Евро-2032 мусобақаси Италия ва Туркияда ўтказилиши эълон қилинганди.
