U-23 Осиё кубоги финал учрашуви чипталари масаласида ЎФА расмий изоҳ берди
17 июн 2022 23:20
Янгиликлар

U-23 Осиё кубоги финал учрашуви чипталари масаласида ЎФА расмий изоҳ берди

Ўзбекистон U-23 ва Саудия Арабистони U-23 ўртасидаги U-23 Осиё кубоги финал ўйини чипталари бўйича расмий изоҳ берилди.

Ўзбекистон футбол ассоциацияси U-23 Осиё кубоги финал учрашуви чипталари масаласида расмий изоҳ берди. Ўзбекистон футбол ассоциацияси баёнотига кўра, бугун iTicket.uz сайтига ташриф буюрувчилар оқими жуда кўп бўлганлиги сабабли сайтда носозликлар юзага келган.

"U-23 Осиё кубоги финал учрашувига қизиқиш юқори бўлмоқда. Бугун iTicket.uz онлайн платформа томонидан ва “Бунёдкор” стадиони кассаларида чипталар сотуви бошланди. iTicket.uz компаниясининг маълум қилишича, сайтга ташриф буюрувчилар кўплиги сабаб платформада техник носозлик юзага келган ва яқин вақт ичида бу муаммо бартараф этилади. Сайтдаги носозлик сабаб кассаларда катта навбатлар кузатилган. Умид қиламизки, чипталар сотуви давом эттирилиб, футбол мухлислари тартибга риоя қилган ҳолда уларни харид қилишади", -дейилади ЎФА расмий баёнотида.

Шу билан бирга, "Бунёдкор" стадиони кассалари атрофида кўплаб чайқовчилар борлиги ҳам ЎФА томонидан қайд этилган. Видеомурожаатда iTicket.uz сайти маълумотларига кўра бугун 10 мингта чипта сотилгани қўшимча қилинган.