Ушбу мусобақада кураш Олимпиада йўлланмаси учун кечади ва кучли учликдан жой олган жамоалар Токио-2020 Олимпиада ўйинларига йўл олади. Навбатдаги қитъа биринчилигига тайёргарлик кўраётган Қатар олимпия терма жамоаси Доҳада Туркманистонга қарши ўртоқлик ўйини ўтказди.
Мазкур беллашув 2:2 ҳисобида якун топди. Гурбангелди Дурдиев шогирдлари ўйин охирига қадар 2:1 ҳисобини сақлаб туришди, бироқ баҳс тугашига бир неча дақиқа қолганида қатарлик футболчи гол уриб ҳисобни тенглаштирди.
Қатар терма жамоаси U-23 Осиё чемпионатида гуруҳ учрашувларини Сурия, Саудия Арабистони ва Японияга қарши ўтказади.
