U-17 ЖЧ. Англия ҳақида нималарни билиш лозим?

Жаҳон чемпионатларидаги иштирок

Футбол ватани мусобақада иштирок этиш борасида мақтана олмайди. Инглизлар учун Индонезиядаги турнир бешинчиси саналади. Шунга қарамай, европаликлар 2017 йил Ҳиндистон яшил майдонларида ўтказилган жаҳон чемпионати ғолибига айланган. Ўша мусобақанинг "Олтин тўп"ини бугунги кунда "Манчестер Сити" юлдузларидан бирига айланган Фил Фоден қўлга киритган.

Саралаш босқичи

Англия Европа чемпионати орқали мундиал йўлланмасини қўлга киритган беш жамоадан бири бўлди. Гуруҳ босқичида Хорватия (1:0), Нидерландия (4:1) ва Швейцария (0:0) билан қарама-қаршиликда 1-ўринни эгаллаган англияликлар чорак финалдаёқ Францияга 0:1 ҳисобида имкониятни бой бериб қўйди. Бироқ сўнгги йўлланма учун ўтиш ўйинида Швейцария (4:2) мағлуб этилди.

Таркиб

Райан Гарри мундиалга қуйидаги футболчиларни чақирди:

Дарвозабонлар

СЕТФОРД Томми (Аякс, Нидерландия), КУРД Тедди (Хэштег Юнайтед), ХЕРРИК Финли (Вест Ҳэм).

Ҳимоячилар

АЧЕМПОНГ Жош-Ко (Челси), Мегма Жойден (Саутгемптон), СЭМЮЭЛ ЛАКИЛ (Манчестер Сити), Сэмюэлс-Смит Ише (Челси), Мюррей-Кэмпбелл Харрисон (Челси), ЖОНСОН Жо (Лутон Таун).

Ярим ҳимоячилар

МАКАЛЛИСТЕР Финли (Манчестер Юнайтед), ГОЛДИНГ Майкл (Челси), АМО-АМЕЯВ Сэм (Саутгемптон), ДЕННИ Рейсс (Челси), ЛЬЮИС-СКЕЛЛИ Майлз (Арсенал), РИГГ Крис (Сандерленд).

Ҳужумчилар

ДИБЛИНГ Тайлер (Сандерленд), ОБОАВВОДУО Жастин (Манчестер Сити), НДАЛА Жоэл (Манчестер Сити), СТИВЕНС Арчи (Рейнджерс, Шотландия), УОРХЕРСТ Мэтти (Манчестер Сити), НВАНЕРИ Итан (Арсенал).

Жорий мусобақадаги иштирок

"C" гуруҳидан жой олган Англия дастлабки турда Янги Каледония дарвозасига жавобсиз ўнта тўп киритди. 2-турда эса Эрон 2:1 ҳисобида мағлуб этилди. Инглизлар сўнгги ўйинда Бразилияга 1:2 ҳисобида имкониятни бой бериб қўйганига қарамай, тўплар нисбатига кўра, гуруҳ ғолибига айланди.

Ўзбекистонга қарши ўйин олдидан Англия U-17 мураббийи қандай фикрда?

"Ўзбекистон кучли жамоа, улар жуда яхши ўйин услубига эга, мураббийи ҳам тажрибали ҳисобланади. Биз рақибнинг гуруҳ босқичидаги ўйинларини томоша қилдик ва уларнинг кучли ўйин кўрсатишини билиб олдик. Бўлажак ўйин эмоцияларга бой бўлади ва биз бу учрашувни интиқлик билан кутяпмиз," деди 40 ёшли мутахассис Райан Гарри.

Оқил Абдубарноев тайёрлади.