Тудор: "Мен ўзимни "Тоттенхэм" мураббийи ролига тўлиқ мос тушаман деб ҳисоблайман"

Антирекорд ва даҳшатли статистика:

Эслатиб ўтамиз, ушбу мағлубият лондонликлар учун барча мусобақалардаги кетма-кет олтинчиси бўлди ва бу клуб тарихидаги янги антирекорд ҳисобланади. Хорватиялик мутахассис жамоани қабул қилиб олганидан бери "Тоттенхэм" барча 4 та ўйинда имкониятни бой берди (умумий тўплар нисбати эса 5:14 кўринишида).

Тудорнинг фикри қандай?

Жамоадаги даҳшатли инқирозга ва танқидларга қарамай, мураббий ҳали ҳам ўз кучига ишонмоқда:

"Мен ўзимни "Тоттенхэм" мураббийи ролига тўлиқ мос тушаман деб ҳисоблайман. Аммо ҳозир муаммолар шунчалик кўпки, уларни оддий қилиб тушунтириб беришнинг иложи йўқ.

Буларнинг барчаси клубнинг ичида ҳал қилиниши керак бўлган масалалар. Мен бу мавзуни журналистлар билан муҳокама қилмоқчи эмасман", — деди Тудор.

Лондон клубидаги ички муҳит ва мураббийнинг кейинги тақдири раҳбарият томонидан қандай ҳал қилиниши ҳозирча номаълум бўлиб қолмоқда.