Transfermarkt ва Championat.Asia Суперлигада ноябрь ойининг энг яхшиларини аниқлашди

Сўровномада Championat.Asia сайти журналистлари, Transfermarkt порталининг рус бўлими ходимлари иштирок этишди. Эксперт сифатида собиқ футболчи Санъат Шихов таклиф этилди.

Овоз бериш натижаларига кўра, Суперлигада ноябрь ойининг энг яхши мураббийи Илёс Қурбонов бўлди. Унинг қўл остида "Металлург" Суперлигани тўғридан-тўғри тарк этиш зонасидан қоча олди. Ноябрь ойидаги 3 та ўйинда жамоа 7 очко тўплади, охирги турда Қаршида амалдаги Ўзбекистон чемпиони "Насаф" таслим этилди. Қурбонов 40% овоз олди, иккинчи ўринни "Навбаҳор" устози Сергей Лушчан (30%) эгаллади.

Суперлигада ноябрь ойининг энг яхши футболчиси деб Жамшид Искандеров тан олинди. Учта ўйинда "Навбаҳор" вакили гол+пас тизимида 4+2 балл тўплади. Наманган клуби Суперлигани бронза медали билан якунлашида унинг ҳиссаси катта бўлди. Искандеров 65% овоз тўплади.