Тез орада ишга тушириладиган "Футбол" телеканали фақат футболга бағишланган ва юқори аниқликда (HD) тақдим этиладиган Тожикистондаги биринчи канал бўлади.
Тожикистон футбол федерациясининг "Футбол" телеканали фақат Тожикистон терма жамоаси, Тожикистон футбол лигаси ўйинларини кўрсатибгина қолмай, Осиё Чемпионлар лигаси, ОФК Кубоги, Осиё Кубоги учрашувларини ҳам эфирга узатади. Шу билан бирга "Футбол" телеканалида УЕФА Чемпионлар лигаси, Европа лигаси, Англия Премьер-лигаси, ЛаЛига, А Серия, Бундеслига, Лига 1 (Франция чемпионати) ҳамда Европа мамлакатлари чемпионатларининг марказий баҳсларини томоша қилиш мумкин бўлади.
Футболга мослаштирилган телеканал эфирига клублар ва терма жамоалар юлдузлари ҳақида кўрсатувлар намойиш этилади.
Айни дамда "Футбол" телеканалини ишга тушириш учун тайёргарлик ишлари кўрилмоқда.
