Дастлаб TFG стратегик инвесторларни излаётган ва миноритар улушни сотишга тайёр эди. Энди эса гуруҳ назорат пакетини сотиш эҳтимолини ҳам инкор этмаяпти, бироқ келишув фақат потенциал харидор клубнинг келгуси ривожи учун муносиб деб топилган тақдирдагина амалга ошади.
Кейинчалик "Эвертон" клуб эгалари жамоа келажаги учун турли вариантларни, жумладан, назорат улушини сотишни ҳам кўриб чиқаётганини тасдиқлади.
"TFG "Эвертон" эгасига айланган пайтда клуб сезиларли молиявий ноаниқлик ҳамда майдонда ва ундан ташқарида кўплаб муаммоларга дуч келганди. Энди, мустаҳкам пойдевор қўйилгач, "Эвертон" тарихидаги янги саҳифани кўриб чиқиш фурсати келди. Биз таклифларни фақат клубни тўғри бошқара олишига ва эришилган ютуқларни ривожлантира олишига қатъий ишонган томонлардангина қабул қиламиз", – дейилади баёнотда.
TFG 2024 йилнинг декабрь ойида Фарҳод Моширидан акцияларнинг 94 фоизини харид қилиб, "Эвертон"га эгалик қила бошлаган эди. Ушбу битимдан сўнг янги хўжайинлар клуб қарзларининг салмоқли қисмини қайта молиялаштирди ва янги миноритар инвесторларни жалб қилди.
“The Friedkin Group” "Эвертон"дан ташқари Италиянинг "Рома" ҳамда Франциянинг "Канн" клубларига ҳам эгалик қилади.
5 турдан сўнг "Эвертон" 9 очко билан АПЛ турнир жадвалида 7-ўринни эгаллаб турибди.
