Тезкор хабар! ОЧЛ Шарқ минтақасининг иккита гуруҳ ўйинлари Ўзбекистонда бўлади
10 май 2021 14:45
Янгиликлар

Тезкор хабар! ОЧЛ Шарқ минтақасининг иккита гуруҳ ўйинлари Ўзбекистонда бўлади

Теглар : ОЧЛ-2021

Осиё чемпионлар лигасининг Шарқ минтақаси ўйинлари юртимизда бўлиб ўтиши мумкинлиги ҳақида хабар бергандик.

Ушбу хабар рост бўлиб чиқди. Бугун ОФК Шарқ минтақасининг "H" ва "I" гуруҳи беллашувлари Ўзбекистонда ўтказилишини маълум қилди. Бу ўйинлар 25 июнь - 11 июль оралиғида бўлиб ўтади.

ОЧЛ плей-офф босқичи доирасидаги 23 июнь куни "Тегу" (Ж.Корея) - "Чианграй Юнайтед" (Таиланд) учрашуви ҳам Ўзбекистонда ўтади. Ушбу ўйин ғолиби "I" гуруҳидан ўрин олади.

Сал кейинроқ ўйинлар қайси стадионда ўтказилиши эълон қилинади деб ёзилган хабарда. Эслатиб ўтамиз, Шарқ минтақасида ҳам 20та жамоа тўрттадан 5 гуруҳга бўлинган ҳолда кураш олиб боради.

Бешта гуруҳдан учтасига Таиланд мезбонлик қилади. Демак, яна иккита гуруҳ баҳслари бизда ташкил этилади.

"H" гуруҳи: "Чонбук Хюндай" (Ж.Корея), "Гамба Осака" (Япония), "Тампинес Роверс" (Сингапур), "Сидней ФК" (Австралия).

"I" гуруҳи: "Кавасаке Фронтале" (Япония), "Бейжинг Гоан" (Хитой), "Юнайтед Сити" (Филиппин), плей-офф ғолиби.

ОЧЛ Шарқ минтақаси ўйинлари Ўзбекистонда бўладими?

Диёр Имомхўжаев: "ОЧЛ гуруҳ босқичи ўйинлари "Локомотив", "Бунёдкор" ва "Жар" стадионларида ўтиши мумкин"

Ҳавола :

Манба : championat.asia

Янгиликларни Телеграмда ўқинг!

Рейтинг: +53