Тарихий ютуқ: Арне Слот Англия чемпионатида ғолиб чиққан биринчи нидерландиялик мураббий бўлди
28 апр 11:25
Янгиликлар
Тарихий ютуқ: Арне Слот Англия чемпионатида ғолиб чиққан биринчи нидерландиялик мураббий бўлди
27 апрель куни "Ливерпуль" Англия Премьер-лигасининг 35-тури доирасида ўз майдонида "Тоттенхэм"ни 5:1 ҳисобида мағлуб этиб, муддатидан олдин чемпионлик унвонини қўлга киритди.
Ўйин якунига кўра, мерсисайдликлар 82 очко тўплаб, турнир жадвалидаги энг яқин рақибларини катта фарқ билан ортда қолдириб кетди.
Ушбу титул "Ливерпуль" бош мураббийи Арне Слот учун Англия Премьер-лигасидаги илк соврин бўлди. Нидерландиялик мутахассис 2024 йил ёзида клубни бошқаришни бошлаганди. У Премьер-лигада ғолиб бўлган биринчи нидерландиялик мураббий сифатида Англия футболи тарихига кирди.
"Ливерпуль" бундан олдинги чемпионликни 2019/20 йилги мавсумда Юрген Клопп бошчилигида қўлга киритган эди. Слотнинг келиши билан клуб инглиз футболининг чўққисига қайтди ҳамда бутун мавсум давомида юқори даражадаги ўйин ташкил этиши ва барқарор натижалар кўрсатиши билан ажралиб турди.
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
"Шармандалик, бу шармандалик!"
Фикрлар