Танташев бошчилигидаги ўзбекистонлик ҳакамлар Ироқ Кубоги финалида ишлайди
10 июл 11:37
Янгиликлар

Танташев бошчилигидаги ўзбекистонлик ҳакамлар Ироқ Кубоги финалида ишлайди

Ильгиз Танташев бошчилигидаги реферилар Ироқ Кубоги финал баҳсида ишлаш учун тайинлов олган.

Бу бўйича Ироқ футбол федерацияси Ўзбекистон футбол ассоцияциясига расмий таклиф юборган.

Унга кўра, 10 июль куни Тошкент вақти билан 22:00 да Бағдод шаҳрида бўлиб ўтадиган учрашувни ФИФА ҳаками Ильгиз Танташев бошқаради. Унга қанотларда Тимур Гайнуллин ва Андрей Цапенко ёрдам беради. VAR ҳаками сифатида эса Аҳрол Рисқуллаев иш олиб боради.

Бош ҳакам: Ильгиз Танташев

Қанот ҳакамлари: Андрей Цапенко, Тимур Гайнуллин

VAR ҳаками: Аҳрол Рисқуллаев