Симеоненинг ўғли: “А Серияда 17 та гол урдим, аммо термадан чақирув олмадим”

“Жаҳон чемпионатида Аргентина терма жамоасининг бир қисми бўлишни истардим, аммо А Серияда 17 та гол урганимга қарамай, термадан чақирув олмадим. Умид қиламанки, бир кун келиб у ерда менга ҳам жой топилади”, деган Симеоне.

27 ёшли форвард ўтган мавсумни “Верона”да ўтказиб, Италия чемпионатида 35 баҳсда қатнашган ҳолда 17+6 натижага эришди. У ҳозирда неаполликлар таркибида ижара асосида ҳаракат қилмоқда ва жамоа либосида 6 учрашувда 2 та тўп киритишга эришди.

Симеоне Аргентина ТЖда 2018 йилда дебют қилган ва умумий бешта баҳсда иштирок этиб, 1+1 натижа кўрсатган. У охирги марта терма либосида 2018 йил ноябрида майдонга тушган.