Эслатиб ўтамиз, Женнаро Гаттузо шогирдлари ҳал қилувчи баҳсда Босния ва Герцеговинага имкониятни бой бериб (1:1, пен. 1:4), кетма-кет учинчи бор мундиалсиз қолишди.
"Илгари Серия Ада 16 та жамоа бўларди, ҳозир эса 20 та. Агар биз яна 16 талик форматга қайтсак ва Саудия Арабистонида Суперкубок ўйинларини ўтказишни тўхтатсак, футболчиларнинг кучини тежаган бўлардик. Уларга маошни ФИФА ёки УЕФА эмас, биз тўлаймиз. Шунда терма жамоа учун машғулотларга етарлича вақт топиларди.
Ҳозир айбдор қидиришдан маъно йўқ, Италия футболи кўп йиллардан бери уйқуда. Ҳеч нарса ўзгармаяпти, чунки ҳамма оқим бўйлаб сузишга ўрганиб қолган. Мен эса бундайлардан эмасман. Менинг позициям кўпчиликка ёқмаслиги мумкин, лекин ҳақиқат томонда бўлганингда шундай бўлади", — деди Де Лаурентис "Radio CRC" эфирида.
Италия футболидаги ушбу тизимли муаммолар ва эҳтимолий ислоҳотлар яқин вақт ичида қизғин муҳокамаларга сабаб бўлиши кутилмоқда.
