Шуҳрат Тошпўлатов: "Янги мураббий қўл остида “Металлург”нинг ўйин схемасида ўзгариш бўлмаган"
15 май 2023 22:13
Янгиликлар

Шуҳрат Тошпўлатов: "Янги мураббий қўл остида “Металлург”нинг ўйин схемасида ўзгариш бўлмаган"

"Металлург" - "Насаф" учрашувидан (1:2) кейин қаршиликлар мураббийи Шуҳрат Тошпўлатов матбуот анжуманида иштирок этди.

“Курашларга бой урашув бўлди. Голлар ва қизир карточкага гувоҳ бўлдик. “Металлург” ўз майдонида доим тартибли ҳаракат қилади. Тезкор гол ўтказиб юборганимиз режамизни бузиб юборди. Шунга қарамасдан, ўтказиб юборилган голдан ҳимояда тартибли ўйнадик ва ҳужумдаги имкониятлардан унумли фойдаландик. Йигитлар характер кўрсатишди ва иродали ғалабага эришдик.

Янги мураббий қўл остида “Металлург”нинг ўйин схемасида ўзгариш бўлмаган. Жамоа 3 нафар марказий ҳимоячи билан тўп тепмоқда. Бекободликларнинг ўйин услубига тайёр эдик.

Биринчи бўлимда иккита қулай имкониятни голга айлантира олмадик. Иккинчи таймда 10 киши қолган бўлсак ҳам жамоамиз жипслашган ҳолда керакли натижага эришдик”, – деди Тошпўлатов.