Шота Арвеладзега Хитой, Қатар клубларидан таклифлар бор. У "Пахтакор"да қоладими? Клуб спорт директори жавоб берди

Унда бевосита "Пахтакор" спорт директори Жафар Ирисметов билан алоқага чиқилиб айрим саволларга жавоб олдик. Ҳусусан Шота Арвеладзенинг клубда қолиши ёки таклифлар бўлаётгани ҳақида Жафар Ирисметов шундай деди.

"Шундай совуқ ҳаво бўлишига қарамасдан қўллаб-қувватлаб турган мухлисларга раҳмат айтмоқчиман. Кетма-кет иккинчи бор чемпионликни қўлга киритганимиздан табиийки хурсандмиз. Жамоадаги барчани, ҳамкасбларимизни умуман ҳаммани бу чемпионлик билан табриклайман. Пандемия бўлишига қарамасдан биз уларнинг қўллаб-қувватлашини ҳис қилдик.

Шота Арвеладзе билан музокаралар олиб бормоқдамиз. Ўзимизда олиб қолишга ҳаракат қиламиз. Тўғри, ҳозирда мураббийга Хитой, Қатар клубларидан таклифлар бўлмоқда. Шота Арвеладзе биз билан ОЧЛда ғолиб чиқиб кейин кетса хурсанд бўлар эдик", - деди Жаъфар Ирисметов "Тезкор студия"да.