Шомуродов 29 ўйиндан бери илк бор асосий таркибда майдонга тушди. У А Серия мавсумини қандай якунлади?
21 май 2022 08:10
Янгиликлар
Шомуродов 29 ўйиндан бери илк бор асосий таркибда майдонга тушди. У А Серия мавсумини қандай якунлади?
Италия чемпионати 38-турида “Рома” сафарда “Торино”ни 3:0 ҳисобида мағлуб этиб, кейинги мавсум Европа Лигасида ўйнаш ҳуқуқини қўлга киритди.
Ваниҳоят, римликлар устози Жозе Моуринью Элдор Шомуродовни илк дақиқалардан майдонга туширишга қарор қилди ва у 76-дақиқда алмаштирилди. Ўзбекистонлик клуб сафида 29 учрашувдан бери биринчи маротаба асосий таркибга киритилди. Бунгача у 18 баҳсда захирадан ўйинга қўшилган, 11 тасида эса қайдномадан жой олиб, учрашувга тушмаганди.
26 ёшли ҳужумчи А Серия 2021/22 йилги мавсумида 28 баҳсда қатнашиб, 3 та гол урди ва 4 та ассистни ўз ҳисобига ёздирди. Шунингдек, Элдор икки бор сариқ карточка ҳам олди. У ўтган мавсум “Женоа” сафида 31 учрашувда 8+1 натижа кўрсатганди.
Эслатиб ўтамиз, римликларни олдинда Конференциялар Лигаси финали доирасида 25 май куни "Фейеноорд"га мавсумдаги ҳал қилувчи баҳс кутмоқда.
Ўхшаш янгиликлар
championat.asia
ЕЧЛ. Учта голи ҳисобланмаган "Челси" 10 киши қолган "Барселона"ни йирик ҳисобда мағлубиятга учратди
ОЧЛ-2. "Андижон" кетма-кет бешинчи учрашувда дуранг ўйнади ва гуруҳдан чиқиш имкониятини сақлаб қолди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
"Насаф"нинг икки етакчиси "Пахтакор"га ўтади
Фикрлар