Шоҳруҳ Гадоев: "Андреев? Мен ундан кучсиз эмасман"

"Станислав Андреев? Ҳозирги кунда уни мендан устун жиҳатини кўрмаяпман. Шуни айтишим мумкинки, мен ўзимни ундан кучсиз дея олмайман. Мен ўзимни Андреевдан кучлироқ деб ҳисоблайман. Бу менинг шахсий фикрим. Лекин ҳамма мураббийнинг ўз ўйин услуби мавжуд. Мураббий кимни маъқул топса ўшани таркибга жалб этади. Мен ҳар доим терма жамоага ёрдам беришга тайёрман. Ватаним жамоаси учун жонимни бериб ўйнаб бераман. Мен бунга ҳар доим тайёрман", - дейди Шоҳруҳ Гадоев.

Ўзбекистон терма жамоаси бош мураббийи Самвел Бабаян Шоҳруҳ Гадоевни нега терма жамоага жалб этилмади деган саволга Станислав Андреевни ҳозирги кунда ундан кучлироқ дея жавоб қайтарганди.

Эслатиб ўтамиз, Шоҳруҳ Гадоев Ўзбекистон Профессионал Футбол Лигаси ва “Championat.asia” ҳамкорлигида ташкил этилган ойнинг энг яхши футболчиси номинациясида Апрель ойида тенгсиз деб топилганди.