Унда Тошкентнинг "Локомотив" клуби Қаршининг "Насаф" жамоаси билан беллашди. Учрашувда "темирйўлчилар" ягона гол эвазига "аждарлардан" устун келди. Ушбу баҳсдан сўнг "Локомотив" клуби футболчиси Шерзод Файзиев ўйин ҳақида ўз фикрлари билан ўртоқлашди.
"Насаф" жамоасига қарши ўйинлар ҳамиша қийин бўлиб келган. Биз ўз олдимизга қўйилган мақсадимизга эришдик. Ўзбекистон кубогини қўлга киритиш учун бор кучимиз билан ҳаракат қилдик. Ўйлашимча рақиб жамоага қараганда бизда кўпроқ вазиятлар бўлди.
Энди олдимизга суперкубогни қўлга киритиш вазифаси ҳам қўйилди. Насиб қилса ушбу совринни ҳам қўлга киритамиз", - дейди "Локомотив" футболчиси Шерзод Файзиев.
Жаҳонгир Сотволдиев
