“Аввало мухлисларимиздан узр сўрайман. Ўйин ҳақида гапирадиган бўлсам, биринчи бўлимда рақиб дарвозаси олдида яратилган вазиятларни голга айлантира олмадик. Футболда гол урган жамоа ғалаба қозонади. Бу мағлубият ўрнини сафардаги ўйинларда ғалаба қозониб тўлдиришга ва вазиятлардан фойдаланиш бўйича йўл қўйилган камчиликларни бартараф этишга ҳаракат қиламиз.
Фикримча, бугун иккинчи бўлимда консентрацияни йўқотиб қўйдик. Рақибнинг қарши ҳужумларида янада диққатлироқ бўлишимиз лозим эди. Биз ўтирган жойдан Касьян йиқитилганида пенальти бордек туюлганди. Ҳакамликни кўриб чиқадиган алоҳида инсонлар бор.
Бугун биз кўпроқ ҳужум уюштирдик. Шунчаки, ҳужумларни голга айлантира олмадик. Агар гол урганимизда ҳисоб бундай кўриниш олмасди.
Таркибни мураббийлар штаби келишган ҳолда аниқлайди. Янги бош мураббий масаласи тез орада кўриб чиқилса керак”, - деди Абдухўжаев.
