Ушбу учрашувдан сўнг “Бунёдкор” жамоаси футболчиси Шаҳзодбек Нурматов ўз фикрлари билан ўртоқлашди.
“Йирик ҳисобда ғалаба қозонган бўлсак ҳам учрашув жуда ҳам қийин бўлди. “Обод” жамоаси ҳам яхши ўйин кўрсатди. Биринчи бўлимнинг илк дақиқаларида рақиб дарвозасини ишғол қилганимиздан сўнг бироз осонроқ бўлди деб ўйлайман. “Обод” клуби бизни ҳар бир ўйинда қийнаб келади. Бу сафар деярли у даражада қийналмадик.
Кейинги турда “Пахтакор” меҳмони бўламиз. Насиб қилса ушбу баҳсда ҳам ғалаба қозонишга ҳаркат қиламиз. Авваламбор мақсадимиз чемпионликни қўлга киритиш. Бундан буёғига очко йўқотишга ҳаққиммиз йўқ. Пенальти борасида гапирадиган бўлсам, рақиб футболчиси жамоадошимни чалиб йиқитди. Мен ўйиндан ташқари ҳолатда эдим, яхшиямки тўп менгача етиб келмади. Агарда менгача тўп етиб келганда балки пенальти бўлмасмиди”, - дейди “Бунёдкор” клуби футболчиси Шаҳзодбек Нурматов.
Жаҳонгир Сотволдиев
