Журналист Владислав Татурнинг ахборот беришича, Ўзбекистон терма жамоаси аъзоси Шаҳбоз Умаров БАТЭ устози Александр Михайлов билан келишмовчилик туфайли ўринбосарлар жамоасига ўтказилган.
"Можаро келиб чиққан. Айни пайтда Шаҳбозни ўринбосарлар жамоасига ўтказишга қарор қилинди ва энди клуб уни сотиш вариантини кўриб чиқади", – деди Татур.
Маълумотларга қараганда, кеча "Шахтёр" Петриковга қарши ўртоқлик учрашувининг биринчи бўлимида (2:2) Умаров бош мураббий Михайлов билан жанжаллашиб қолган ва шундан сўнг майдонни тарк этган.
