Сервер Жепаров Россиядаги амалиёт жараёни ҳақида гапирди

"31 август куни мен Москвага учиб келдим. Иккита ўйинда бўлдим: "Спартак" – "Рубин" ва "Локомотив" – "Краснодар". 

3 сентябрь куни Қозонга бордим. Шу кундан бошлаб "Рубин"даги амалиётим бошланди. 27 сентябргача у ерда бўлдим: бош мураббий Рашид Раҳимов билан суҳбатлашдим, ўқув жараёни ва назариясида қатнашиш учун рухсат олдим, жисмоний тайёргарлик бўйича мураббий ва жамоа шифокори билан ҳам суҳбатлашдим. Шу вақт ичида "Рубин" ўтказган барча ўйинларда қатнашдим.

Шундан сўнг Москвага қайтиб келдим ва у ерда амалиётимни "Динамо"да давом эттирдим. 29 сентябрдан 6 октябргача у ерда бўлдим. Мен "Рубин"дагидек схема бўйича амалиёт ўтадим. Жуда кўп тажриба ва янги билимларга эга бўлдим, уларни яқин келажакда амалда қўллашга умид қиламан", – деди Жепаров.