Учрашувда ҳисобни очган Ҳожимат Эркинов термадаги 2-голини уришга эришди. У 14-ўйинида қатнашди. Бундан олдинроқ футболчи Камерун (2:0) дарвозасини ишғол этганди.
Элдор Шомуродов эса термадаги 60-учрашувини ўтказди ва бу борада Виктор Карпенко билан тенглашди. У голлари сонини 33 тага етказиб, Максим Шацкихнинг рекорди (34 та)га яқинлашди.
Шунингдек, “Тобол” форварди Игорь Сергеев Ўзбекистон миллий жамоасида энг кўп учрашув ўтказган футболчилар рўйхатида Асрор Алиқуловни қувиб ўтди. У 83-дақиқада Элдорнинг ўрнини эгаллади. Бу борада рекорд эса Сервер Жепаровга тегишли.
Ўзбекистон МТЖ сафида энг кўп учрашув ўтказган ўйинчилар:
1. Сервер Жепаров - 128 ўйин;
2. Тимур Кападзе – 118;
3. Одил Аҳмедов – 108;
4. Игнатий Нестеров – 105;
5. Анзур Исмоилов – 102;
6. Александр Гейнрих – 97;
7. Азиз Ҳайдаров – 83;
8. Ислом Тўхтахўжаев – 74;
9. Виталий Денисов – 72;
10. Миржалол Қосимов – 67;
11. Игорь Сергеев – 65.
Эслатиб ўтамиз, Сречко Катанец шогирдлари 20 ноябрь куни Тошкентда Россия терма жамоасини қабул қилади. Учрашув 17:00 да “Пахтакор” марказий стадионида бошланади.
