Гарет Саутгейтнинг Фоденни америкаликларга қарши ўйинга туширмаслик қарори экспертлар ва мухлислар томонидан танқид қилинди. Бу ҳақда мураббий ўз фикрларини билдириб ўтди.
"Фил - супер даражадаги футболчи. У биринчи ўйинда майдонга тушди, иккинчи ўйинда эса уни асрашга қарор қилдик. Лекин Фоден ушбу турнирда муҳим рол ўйнайди, унга ҳеч қандай шубҳамиз йўқ. Бизда футболчимиз билан боғлиқ муаммо йўқ", - деди Саутгейт.
Мураббийнинг сўзларига кўра, Фоден 29 ноябрь куни Уэльсга қарши ўйнайди.
