Сардор Азимов: “Мухлисларни Қўқонда ажойиб ўйин кутмоқда”

Наманганда ўтган ўйинда 1:0 ҳисобидаги ғалабани қўлга киритган қўқонликлар бундан бир ҳафта олдин ўтказилган чемпионат баҳсида “Навбаҳор”га йирик ҳисобда имкониятни бой беришганди. Айнан шу жиҳатлар ўйинга бўлган қизиқишни ортишига сабаб бўлмоқда. Учрашувдан олдин “Навбаҳор” ярим ҳимоячиси Сардор Азимов ўз фикрлари билан ўртоқлашди:

- Қўқонда бўлиб ўтадиган жавоб учрашувига яхши тайёргарлик кўрдик. Дастлабки ўйинда рақибга имкониятни бой бериб қўйгандик. Бу сафар ўша мағлубиятни тасодиф эканлигини исботлаш учун ҳаракат қиламиз. Жамоадошларимнинг кайфияти аъло даражада. Ҳаммасиз фақат ижобий натижа ҳақида ўйлаяпмиз. “Водий дерби”си мақомига эга бўлганлиги сабабли учрашув мухлисларга ёқадиган даражада ўтади деб ўйлайман. Ўйин олдидан “Қўқон-1912” жамоасида айрим ўзгаришлар кузатилди. Шу сабабли, мезбонларни ҳам учрашувга муносиб тарзда ҳозирлик кўрганликларини тахмин қилиш қийин эмас. Бир сўз билан айтганда мухлисларни Қўқонда ажойиб ўйин кутиб турибди, - дейди Азимов.

"Навбаҳор" матбуот хизмати