Санъат Шихов: "Нохуш статистикани бузиб, тарихга кирдик"
01 ноя 2016 12:30
Янгиликлар

Санъат Шихов: "Нохуш статистикани бузиб, тарихга кирдик"

Олий лига доирасидаги “Нефтчи”-“Бухоро”(0-1) жамоалари ўртасидаги ўйиндан сўнг меҳмонлар ярим ҳимоячиси Санъат Шихов ўйин ҳақида ўз фикрлари билан ўртоқлашди:

- Ўйин қийин бўлишини аввалдан билардик. Чунки “Нефтчи” футболимиз тарихида ўз ўрни ва анъаналарига эга клуб саналади. Турнир жадвалидаги ўрнидан қатъи назар жамоа ўз майдонида жуда кучли ўйин намойиш этади. Буни ўтган вақтга қадар “Бухоро”нинг Фарғонада ғалаба тугул бирор маротаба ҳам дуранг қайд этмаганлиги мисолида ҳам кўриш мумкин.

Шу боис, ўйин олдидан ушбу сатистикани ўзгартирсак, тарихга киришимизни билардик. Шуни ҳис қилган ҳолда ўйинга икки баравар куч ва иштиёқ билан тушдик ва мақсадимизга эришдик. Тўғри гол пенальтидан урилди, аммо учрашувга келган мухлислар ўйин жозибасидан асло зерикишгани йўқ деб ўйлайман.

"Бухоро" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +7