Саад Али Ал Шеҳри: “Биз экстра-таймга тайёрланаётган эдик”
22 янв 17:55
Янгиликлар

Саад Али Ал Шеҳри: “Биз экстра-таймга тайёрланаётган эдик”

Любинко Друловичдан сўнг саудияликлар мураббийи Саад Али Ал Шеҳри матбуот-анжуманида учрашув ҳақидаги ўз фикрларини билдирди.

“Ҳозир ҳаяжондан бирор гап келмаяпти. 24 йилдан бери Олимпиада йўлланмасини кутаётган эдик. Бу билан бутун жамоамни табриклайман. Саудия Арабистони футболда Осиёдаги энг кучли жамоа бўлиб қайтмоқда”, – деди Саад Али Ал Шеҳри.

– Токио Олимпиадасига йўлланма олинганининг ўзи жамоани қониқтирадими?
– Бу биз учун биринчи қадам эди. Энди финал учун тайёрланамиз. Узоқ йилдан бери финалда ўйнамадик. Шундай экан, бор эътиборимизни энди ғалаба қозонишга қаратамиз.

– Агар учрашув сўнгида гол ура олмаганингизда ҳам шундай ўйнашда давом этармидингиз?
– Ўзбекистон мусобақанинг амалдаги ғолиби. Бу жамоада жуда кўп маҳоратли ўйинчилар йиғилган. Биз экстра-таймга ҳам секин тайёрланаётган эдик. Омад якунда биз томонда бўлди. Ўзбекистонга кейинги учрашувда омад тилайман.