"Учрашув натижаси адолатли бўлди. Ўзбек футболида руҳият билан боғлиқ муаммо учрайди. Биринчи голдан кейин ҳимояга ётиб олдик. Кейин эса индвидуал хатолар қимматга тушди. 3:2 ҳисобида ютаётган пайтимизда натижани ушлаб қола олмадик. Йигитларга эътирозим йўқ, ўйин учун раҳмат айтаман", - дейди Руслан Аҳмедов.
- Майдонда тенг кучли жамоалар тўқнаш келди...
- Асрор Алиқуловни яхши биламан. Тўпни назорат қилишда "Шўртан" яхши жамоалардан. Келажаги бор клуб. Бу жамоа 1-2 йил ичида Суперлигага чиқишга даъвогарлик қилади. Бизнинг мақсадимиз "Хоразм"ни ёшартириш. Кучли бешликка киришга ҳаракат қиламиз.
- Ёшартиришга клубнинг молиявий ҳолати сабаб бўляптими?
- Суперлига билан Про лигани солиштириб бўлмайди. Молиявий ҳолатимиз ер билан осмончалик фарқ қилади. Суперлигага чиқишга инфратузилма тайёр эмас. Маҳаллий бюджет ҳомийлик қилади. Жамоа 2-3 йилда тайёр, қўшимча молиявий манба бўлиши лозим. Легионеримиз ўзимизнинг футболчилардан ҳам кам маош олади. Ёши, моддий томони бизга тўғри келди.
- Дуранг қониқтирдими?
- Албатта. Бу адолатли натижа.
