"Uchrashuv natijasi adolatli bo'ldi. O'zbek futbolida ruhiyat bilan bog'liq muammo uchraydi. Birinchi goldan keyin himoyaga yotib oldik. Keyin esa indvidual xatolar qimmatga tushdi. 3:2 hisobida yutayotgan paytimizda natijani ushlab qola olmadik. Yigitlarga etirozim yo'q, o'yin uchun rahmat aytaman", - deydi Ruslan Ahmedov.
- Maydonda teng kuchli jamoalar to'qnash keldi...
- Asror Aliqulovni yaxshi bilaman. To'pni nazorat qilishda "Sho'rtan" yaxshi jamoalardan. Kelajagi bor klub. Bu jamoa 1-2 yil ichida Superligaga chiqishga da'vogarlik qiladi. Bizning maqsadimiz "Xorazm"ni yoshartirish. Kuchli beshlikka kirishga harakat qilamiz.
- Yoshartirishga klubning moliyaviy holati sabab bo'lyaptimi?
- Superliga bilan Pro ligani solishtirib bo'lmaydi. Moliyaviy holatimiz er bilan osmonchalik farq qiladi. Superligaga chiqishga infratuzilma tayyor emas. Mahalliy byudjet homiylik qiladi. Jamoa 2-3 yilda tayyor, qo'shimcha moliyaviy manba bo'lishi lozim. Legionerimiz o'zimizning futbolchilardan ham kam maosh oladi. Yoshi, moddiy tomoni bizga to'g'ri keldi.
- Durang qoniqtirdimi?
- Albatta. Bu adolatli natija.
