Россия терма жамоаси собиқ аъзоси: "Россия ОФК таркибига ўтмаслиги керак — биз Европанинг бир бўлагимиз. У ерда нима қиламиз?"
04 фев 12:24
Янгиликлар

Россия терма жамоаси собиқ аъзоси: "Россия ОФК таркибига ўтмаслиги керак — биз Европанинг бир бўлагимиз. У ерда нима қиламиз?"

Собиқ футболчи Александр Мостовойнинг фикрича, Россия Осиё конфедерацияси таркибига қўшилиши керак эмас.

"Осиёга ўтиш мавзусида икки йилдан буён гаплашяпмиз ва мен биринчилардан бўлиб, бу нотўғри фикрлигини айтганман.
Биринчидан, у ерга бизни олишлари кафолат йўқ. Хўш, унда Африкага мурожаат қилишимиз керак бўладими?!
Иккинчидан, у ерда нима қиламиз? Бошқа томондан: биз кейин ҳеч қачон Европага қайта олмаймиз, уёқдан-буёққа сакрайверилмайдику.
Шунинг учун фикримда қоламан, Россия футболи Осиёга кетиши керак эмас, сабр қилиб, барчаси ўз изига тушишини кутиш керак.
Биз – Россия, каттагина аҳолига эга мамлакатмиз. Ва биз Европанинг бир бўлагимиз!" – деди Россия терма жамоаси собиқ ярим ҳимоячиси Александр Мостовой.

Эслатиб ўтамиз, футболчилик даврида Мостовой Испаниянинг "Сельта" клуби сафида муваффақиятли тўп тепган ва жамоа сардори, клуб тарихида ёрқин из қолдирган футболчилардан бири ҳисобланади.