Кеча, 21 июль куни клуб президенти Флорентино Перес ҳам ўша ерда пайдо бўлди ва мухлисларга автограф берди.
Перес жамоа машғулотларини кузатди. Ўша ерда, "Реал" мухлислари ҳам бор эди. Маълум бўлишича, мухлислар Перес билан гаплашишга уринишган.
Мухлислардан бири унга қарата: "Президент, Криштиануни қайтаринг, илтимос!" деган. Яна бир мухлис эса: "Роналдуни "Атлетико"га ўтишига йўл қўйманг" деб айтган. Перес уларга жавоб бермай, автограф беришда давом этган.
Эслатиб ўтамиз, Роналду айни пайтда ўзига янги жамоа изламоқда.
