Роналду Руди Гарсиянинг клубдан кетишига муносабат билдирди

“Сиз билан ишлаш жуда ёқимли эди. Келажакда сизга энг яхши тилакларимни тилайман”, - деб ёзади Роналду ижтимоий тармоқдаги саҳифасида.

Олдинроқ Роналду Гарсия ва унинг бошчилигида "Ал Насср" кўрсатаётган ўйинидан норози экани ҳақида хабарлар тарқалганди.

Шунингдек, Гарсиянинг истеъфога чиқишига португалиялик футболчининг таъсири борлиги айтиб ўтилганди.

Мутахассис “Ал Насср”ни 2022 йилнинг ёзидан буён бошқариб келаётганди. 23-турдан кейин 53 очко жамғарган клуб Саудия Арабистони чемпионати турнир жадвалида “Ал Иттиҳод”дан 3 очко ортда қолган ҳолда иккинчи ўринда бормоқда.