"Реал"нинг аргентиналик футболчиси Мастантуоно Ламин Ямаль ҳақида тўхталди

"Реал" 18 ёшли вингери Франко Мастантуоно уни "Барселона" аъзоси Ламин Ямаль билан таққослашлари ҳақида фикр билдирди.

"Ламин ҳозирда яхшироқ ўйнамоқда, ажойиб даражада ўзини кўрсатмоқда. Мен "Реал"га эндигина келдим ва мослашиш давридаман. Умид қиламанки, бу тез бўлади ва мен киришиб кетаман. Мадриддаги тарихим узоқ бўлишини, "Барселона"га қарши сўнгги ўйиндаги каби кўплаб ўйинлар бўлишини истайман. Бу ажойиб эди", – деди Мастантуоно.

Мастантуоно ушбу мавсум барча мусобақаларда 12 ўйинда майдонга тушиб, 1 та гол урди, аммо у "Реал"даги ёрқин онлари олдинда эканига ишонади.