“Реал” бош мураббийи Жозе Моуринью Килиан Мбаппенинг жароҳатдан тикланиш жараёнидаги хатти-ҳаракатларидан норози бўлди, деб хабар беради Footmercato нашри Marca манбасига таяниб. Маълумотларга кўра, португалиялик мутахассис франциялик ҳужумчининг сафарлари, шунингдек, душанба куни машғулотдан кейин Мадридга қайтганидан қониқиш ҳосил қилмаган.
Хусусан, Моуриньюни Мбаппенинг Швейцария Альпларига велосипедда сайр қилишга боргани қаттиқ ғазаблантирган. Португалиялик мураббий жароҳат олиш хавфи юқорилиги сабабли велосипед ҳайдашни ўз футболчилари учун мақбул машғулот деб ҳисобламайди.
Эслатиб ўтамиз, Мбаппе Миллатлар лигаси доирасида Туркияга қарши кечган баҳсда (1:0) олган жароҳати туфайли Франция терма жамоаси ихтиёрини муддатидан олдин тарк этган эди. Учрашувда ягона голга муаллифлик қилган ҳужумчи Мадридга қайтгач, Парижга бориб, ўз қиз ўртоғи Эстер Экспосито билан тунги клубда оқшомни ўтказишга улгурди, шундан сўнг Швейцария Альпларига йўл олди.
