"Diario AS" ma'lumotlariga ko'ra, Vinisius va "Real" yangi shartnoma bo'yicha muzokaralarda muayyan natijaga erishdi. Ikki tomon ham optimistik kayfiyatda va jarayon ijobiy yo'nalishda ketmoqda.
Qayd etish joizki, "qaymoqranglilar" Chempionlar Ligasining 7-turida "Monako"ni 6:1 hisobida tor-mor etdi, o'sha o'yinda 25 yoshli Vinisius ham gol muallifi bo'ldi. Shu tariqa, u Chempionlar Ligasidagi gollari soni bo'yicha Kaka bilan tenglashdi - har ikkisida ham 30 tadan gol bor. Braziliyalik futbolchilar orasida esa yetakchilik "Barselona" va PSJ sobiq vingeri Neymarga tegishli - u 43 ta gol bilan peshqadam.
Vinisius jamoadoshlari bilan bir-birini qo'llab-quvvatlashi va kiyinish xonasida haqiqiy jipslik his etilayotganini ma'lum qilgan edi.
