"Реал" нима учун Канселуни жалб қилиш фикридан қайтди?

"Реал"га Жоау Канселуни таклиф қилишди, дея хабар берди "Marca".

Мадридликлар португалиялик ҳимоячини хоҳласа январда, хоҳласа ёзда олиши мумкин эди, бироқ "қаймоқранглилар" Канселунинг номзоди билан умуман қизиқмади.

"Реал"дагилар мавсумнинг иккинчи ярмида ўнг қанот ҳимоясида Дани Карвахаль, Лукас Васкес ва кўп қиррали Начо ўйнайверади деб ҳисоблади.

Канселу охир-оқибат "Бавария" футболчисига айланди. Португалиялик футболчи Хосеп Гвардиола билан можарога боргани туфайли "Манчестер Сити"ни тарк этди.