Манбага кўра, клуб 63 ёшли португалияликнинг тайинловини Ла Лиганинг 38-туридан ўрин олган "Атлетик" Бильбао билан ўйиндан кейин эълон қилмоқчи, бу жамоанинг мавсумдаги сўнгги учрашуви бўлади. Баҳс 24 май куни бўлиб ўтади.
Журналист Яғиз Сабинжиўғлининг хабар беришича, "Реал" мураббий учун "Бенфика"га 6 миллион евро тўлаши кўзда тутилган.
Моуринью бунгача 2010 йилдан 2013 йилгача "Реал"да ишлаган. Мадридликлар унинг қўл остида чемпионат ғолиби бўлган, Испания Кубоги ва Испания Суперкубогини қўлга киритган, шунингдек, 2004 йилдан бери биринчи марта Чемпионлар Лигасининг 1/8 финалидан муваффақиятли ўтган.
У "Реал"ни тарк этганидан сўнг "Челси", "Манчестер Юнайтед", "Тоттенхэм", "Рома", "Фенербахче" жамоаларига мураббийлик қилди. 2025 йилнинг сентябридан буён "Бенфика"да фаолият юритиб келмоқда.
