Расман: Сане "Ман Сити"дан "Бавария"га ўтди
03 июл 2020 12:25
Янгиликлар

Расман: Сане "Ман Сити"дан "Бавария"га ўтди

"Бавария" "Манчестер Сити" ярим ҳимоячиси Лерой Саненинг трансферини эълон қилди.

Клуб матбуот хизматининг хабар беришича, хавбек Мюнхен клуби билан 5 йиллик шартномага имзо чекди.

Олдинроқ, "Бавария" 24 ёшли футболчи учун бонуслар билан биргаликда 60 миллион евро атрофида тўлаши айтилган эди. Унинг маоши йилига 17 миллион еврони ташкил этади.

Сане "Манчестер Сити"га 2016 йилда "Шальке"дан 50 миллион евро эвазига ўтган эди.

Футболчи "шаҳарликлар" таркибида барча мусобақаларда 135та ўйинда майдонга тушиб, 39та гол ва 45та ассист қайд этди.

Олдинроқ, "Бавария" Саненинг Мюнхен клубидаги либосларини трансфер амалга оширилмасдан эълон қилиб юборгани учун "Сити"дан узр сўраган эди.

Ҳавола :

Манба : fcbayern.com

Янгиликларни Телеграмда ўқинг!

Рейтинг: +13